Yar wasan tennis Naomi Osaka, ta sanar da janyewa daga gasar Australian Open ta wannan shekarar, kwanaki Takwas kafin ranar farawa.
Osaka, wadda ta lashe gasar a birnin Melbourne a shekarun 2019 da 2021, bata fafata a gasar WTA tin Satumbar 2022.
Sai dai babu wani dalili na ficewar Yar wasan Mai shekara 25 Yar kasar Japan .
Amma tuni masu shirya gasar suka bawa Yar wasan kasar Ukrain Dayana Yastremska, dama domin ta maye gurbin Osaka.
Gasar dai ana saran farawa daga ranar 16 ga Janairun da muke ciki a birnin Melbourne.
Ko a watan Mayun 2021, Osaka ta fice daga gasar French Open sakamakon rauni da ta bayyana tana dauke da shi musamman abin da ta kira da ciwon damuwa.