Shugaban na shirin kashe naira biliyan 2.9 don siyan motoci kirar SUVs da wata naira biliyan 2.9 don maye gurbin motocin aiki na fadar shugaban.
Sai naira biliyan 12.5 don sayen sabbin jiragen fadar shugaban kasa da naira biliyan 4 don gyara gidan shugaban kasa da naira biliyan 2.5 don gyara gidan mataimakin sa.
Wannan dai na cikin kwarya-kwaryan kasafin kudi na naira Tiriliyan 2.17 da shugaban ya aikewa majalisun kasar nan domin sahalewa.
