Shugaba Muhammadu Buhari ya amince wajen samar da gandun daji goma a sassan kasar nan bayan wani kudirin majalisar wakilai da ya bukaci haka.
Wannan ya biyo bayan kudirin da shugaban masu rinjaye na majalisar Wakilai Alhassan Ado Doguwa ya gabatar, inda ya ce shugaban kasa ya sanya hannu kan odar samar da gandun dajin goma ranar 16 ga watan Nuwamban bara.
Za ayi gandun dajin a Falgore dake nan Kano, da Allawa a jihar Neja, da Apoi Forest Reserve a jihar Bayelsa, da Edumenum Reserve a Bayelsa, da dai sauran wurare.
Umar Saleh Anka, daga kungiyar dake rajin kare muhalli ya shaidawa premier radio matukar gwamnatin tarayya ta samar da kwararun ma’aikatan da zasu iya kula da sabbun gandun dajin zai taimaka matuka wajen bunkasa muhalli, tsaro da ilimin magungunan gargajiya da tsirrai
