Ministan harkokin wajen Turkiyya, Hakan Fidan, ya ce kasar za ta haɗa kai da Afirka ta Kudu a ƙarar da kasar ta kai gaban kotun duniya dangane da kisan kiyashin Isra’ila a Gaza.
Yayin da yake jawabi a wani taron manema labarai bayan tattaunawa da ministan harkokin wajen Indonesia, Retno Marsudi a ma’aikatar, Fidan ya yi magana kan lamarin inda ya bayyana abubuwan da aka tattauna a yayin ziyararsu a Riyadh, babban birnin Saudiyya.
Fidan ya ce a lokacin tattaunawarsa ta diflomasiyya da kasashen da suka amince da Falasɗinu a matsayin kasa, daga ciki har da kungiyar hadin-kan kasashen Musulmi ta OIC da ta tarayyar kasashen Larabawa, wasu daga cikin kasashen sun nuna shirinsu na daukar matsaya dangane da batun.
Fidan ya bayyana kasashen Nicaragua da Colombia a matsayin wadanda tuni suka ɗauki matsaya kan wannan shari’a, inda ya jaddada niyyar da Turkiyya ke da ita na shiga wannan shari’ar.
A yayin da yake sa ran samun ci gaba a shari’ar da ake yi a gaban kotun duniya, Fidan ya jaddada irin ƙoƙarin da Turkiyya ta jima tana yi domin shirya wa wannan matakin.
Ministan harkokin wajen Turkiyya, Hakan Fidan, ya ce kasar za ta haɗa kai da Afirka ta Kudu a ƙarar da kasar ta kai gaban kotun duniya dangane da kisan kiyashin Isra’ila a Gaza.
Yayin da yake jawabi a wani taron manema labarai bayan tattaunawa da ministan harkokin wajen Indonesia, Retno Marsudi a ma’aikatar, Fidan ya yi magana kan lamarin inda ya bayyana abubuwan da aka tattauna a yayin ziyararsu a Riyadh, babban birnin Saudiyya.
Fidan ya ce a lokacin tattaunawarsa ta diflomasiyya da kasashen da suka amince da Falasɗinu a matsayin kasa, daga ciki har da kungiyar hadin-kan kasashen Musulmi ta OIC da ta tarayyar kasashen Larabawa, wasu daga cikin kasashen sun nuna shirinsu na daukar matsaya dangane da batun.
Fidan ya bayyana kasashen Nicaragua da Colombia a matsayin wadanda tuni suka ɗauki matsaya kan wannan shari’a, inda ya jaddada niyyar da Turkiyya ke da ita na shiga wannan shari’ar.
A yayin da yake sa ran samun ci gaba a shari’ar da ake yi a gaban kotun duniya, Fidan ya jaddada irin ƙoƙarin da Turkiyya ta jima tana yi domin shirya wa wannan matakin.
