Daruruwan yan Najeriya da suka je aikin Umara Saudiyya sun makale, bisa rashin samun jirgin da zai dawo da su gida.
Wadanda abin ya fi shafa sun hadar da maniyyatan da suka bi ta hannun kamfanin Badr Airline mallakin Sudan, wanda a baya-bayan nan ya dakatar da aiki sabida halin yaki da kasar ta fada.
Idan za a iya tunawa a makon da ya gabata, bama-bamai sun tarwatsa jiragen kamfanin biyu a birnin Khartoum.
Har ila yau, ragowar jiragen na kauracewa keta sararin samaniyar Sudan zuwa Najeriya sabida fargaba.
