Dakarun sojin ƙasar nan sun dawo da mazauna garin Mansur da ke karamar hukumar Alkeleri dake Jihar Bauchi gidajensu bayan sun yi gudun hijira sakamakon matsalar tsaro.
Wannan na kunshe a cikin sanarwar da Mataimakiyar Daraktan Hulda da Jama’a ta Rundunar Sojin kasa ta 33 ta fitar a ranar Alhamis din data gabata 23 ga Afrilu.
Sanarwar ta bayyana cewa mazauna garin, sun bar gidajensu tun ranar 26 ga Fabrairu 2026 bayan hare-hare da suka tilasta musu yin gudun hijira, kafin a dawo da su bayan kammala ayyukan tsaro a yankin.
Haka kuma, sanarwar ta bayyana cewa an mika yankunan da aka kwato ga hukumomin tsaro da sauran hukumomi domin kula dasu tare da bai wa al’umma damar komawa gidajensu.
About the Author
