Karibullah Abdulhamid Namadobi
Gwamnatin Kano ta amince da nadin tsohon shugaban jami’ar Bayero kuma tsohon shugaban hukumar zabe ta kasa INEC Farfesa Attahiru Jega a matsayin shugaban kwamitin gudanarwar jami’ar Ilmi ta Sa’adatu Rimi da aka samar a jihar Kano.
Majalisar zartarwar Kano ta kuma amince da nadin Oba Moshood Aliiwo, Olubadan na Ibadan a matsayin Uban jami’ar ilimi ta Sa’adatu Rimi .
Kwamishinan yada labarai na Kano, Malam Muhammad Garba ne ya sanar da hakan bayan taron majalisar zartarwa da aka gudanar a Kano.
Ya ce hakan ya biyo bayan samun lasisin aiki ne daga hukumar kula da jami’o’i ta kasa NUC, wacce ta amince da ita a matsayin jami’ar Jiha ta 61 kuma jami’a ta 222 a tsarin jami’o’in kasar nan.
Sauran ‘yan majalisar zartarwar jami’ar sun hada da Dr Muhammad Kwankwaso, Hajiya Zulaiha Ahmed, Dr Ibrahim Wunti, Dr Halima Muhammad da Alhaji Sabi’u Bako.
Ya ce nadin ya zo daidai da sashe na uku na 22 na dokar Jami’ar Ilimi ta Sa’adatu Rimi da hukumar
