Babban bankin kasa CBN ya sanar da sake karya farashin Dalar Amurka a wani yunkurin na sauye-sauye da yake yi domin farfaɗo da darajar Naira.
CBN ya bayyana hakan ne a wata sanarwa da ya wallafa a shafinsa na intanet a Litinin din nan.
Ya ce a yanzu ya shirya sayar da Dala 10,000 ga kowanne kamfanin musayar kudi a kan Naira 1,101.
CBN ya kuma umarci kamfanonin da su sayar da dalar kan karin ribar da ba ta wuce kashi 1.5 cikin 100 kan farashin nasa ba.
Faɗuwar da darajar Nairar ta dinga yi a makonnin da suka gabata ta jawo ɗaukar matakai daban-daban daga bangaren hukumomi ciki har da kama yan kasuwar hada-hadar kudaden ketare da jami’an tsaro suka yi a biranen Kano da Abuja da Legas.
Aburrashid Hussain
