Shugaban Ƙasa, Bola Ahmed Tinubu, ya yaba da salo da kuma kalar hular da Gwamnan Jihar Kano, Abba Kabir Yusuf, ya sanya, yana mai cewa samfurin hular ya yi daidai da manufofin gwamnatinsa na kawo sauyi a Najeriya.
A cewar bayanin, Shugaba Tinubu ya danganta ma’anar hular da muhimman ƙalubalen da gwamnatinsa ta sanya a gaba, waɗanda suka haɗa da yaƙi da jahilci, rage talauci, magance matsalar rashin tsaro da kuma kawo ƙarshen matsalolin da suka addabi ƙasar.
Yaƙi da jahilci na daga cikin manyan abubuwan da ke buƙatar kulawar gwamnati, musamman ta fuskar inganta ilimi da samar da damarmaki ga matasa. Haka kuma, rage talauci da tabbatar da tsaro na daga cikin muhimman matakan da ake ganin za su taimaka wajen inganta rayuwar al’umma.
About the Author
