Ministar raya al’adu da yawon buɗe ido Hannatu Musa Musawa, ta bai wa shugaban kasa Bola Ahmed Tinubu wani hoto da ta zana da hannunta, wanda ya ƙunshi hoton shugaban ƙasar tare da mahaifiyarsa marigayiya.
Ministar ta miƙa wa shugaban ƙasar hoton ne a Legas, yayin wata ziyara da ta kai masa, inda ta nuna ƙwarewarta a fannin zane da kuma girmamawa ga shugaban ƙasar.
Wannan kyauta ta zo ne a daidai lokacin da ake tunawa da muhimmancin iyaye da gudunmawar da suke bayarwa wajen gina rayuwar ’ya’yansu, musamman ganin cewa Tinubu ya taɓa bayyana irin raɗaɗin da ya ji sakamakon rasuwar mahaifiyarsa.
Hannatu Musawa ma ta rasa mahaifiyarta, Fatima Musa Musawa, a watan Yunin 2026, lamarin da ya jawo mata ta’aziyya daga Shugaba Tinubu.
Kyautar hoton ta kuma nuna yadda fasaha ke zama wata hanya ta isar da saƙon ƙauna, girmamawa da kuma tunawa da waɗanda suka taka muhimmiyar rawa a rayuwar mutum.
About the Author
