Aminu Abdullahi Ibrahim
Kudirin gyaran dokar harkokin fansho, dana dokar baiwa mata masu ciki da yara kanana kulawa kyauta a asibitoci sun tsallake karatu na farko a gaban majalisar dokokin Kano.
Majalisa ta tadakatar da gina shaguna a jikin asibitin Zana a nan Kano
Majalisar karkashin kakakinta Injiniya Hamisu Ibrahim Chidari, ta amince da karatun farko na kudurorin a zamanta na larabar nan.
Sauran kudurorin da suka tsallake karatun farko sun hada da gyaran dokar hadaka ta karbar haraji tsakanin gwamnatin jiha da kananan hukumomi da gyaran dokar rage mambobin majalisar sarakuna da kuma dokar hukumar majalisar dokokin Kano.
Haka zalika kudirin gyaran dokar sufuri ta shekarar 1963 ya tsallake karatun farko a zaman majalisar.
Majalisa ta tadakatar da gina shaguna a jikin asibitin Zana a nan Kano
Yayin zaman dai majalisar tayi karatun farko kan rahoton kasafin kudin badi da ya zarta naira miliyan dubu dari biyu da arba’in.
Majalisar dokokin ta Kano ta kuma dage zamanta zuwa gobe alhamis.
