Aminu Abdullahi Ibrahim
Kungiyar ‘yan fansho ta kasa reshen jihar Kano (Nigerian Union of Pensioners) tayi kira ga ‘yan fansho da suyi biyayya ga tsarin da gwamnati ta fito dashi na tantance su ta hanyar daukar hoton ‘yan yatsun su.
Mataimakin shugaban kungiyar na Kano Shu’aibu Musa Jibril, ne ya bayyana haka yayin ganawa da manema labarai a Larabar nan.
Ya ce shugabancin kungiyar ‘yan fansho zai tabbatar da cewa anyi tantancewar cikin sauki ba tare da kowane dan fansho ya wahala ba.
Kudirin gyaran dokar fansho ya tsallake karatun farko a majalisar dokokin Kano
Ya ce za a fara tantancewar ne da ma’aikatan gwamnati sannan daga bisani ayi na ‘yan fansho.
Jibril, ya kara da cewa daukar hoton ‘yan yatsun shine zai tabbatar da cewa mutum yana raye.
Ya kuma ce wannan ba sabon abu bane domin kuwa a baya an taba yin irin wannan tantancewa.
Ganduje zai nada sabon kwamishina a hukumar fansho
Ya ce a yanzu an samu cigaba a yadda ake tantance ‘yan fansho idan aka kwatanta da baya.
Ya ce an tanadi guraren a kananan hukumomi wanda kowane dan fansho zaije domin a dauki hoton ‘yan ya tsunsa.