ABDULRASHID HUSSAIN
Hukumar kiyaye afkuwar hadura ta kasa ta ce ta kama babura marasa rijista da wadanda ke aiki ba bisa ka’ida ba sama da dubu 13, a fadin kasar nan cikin watan gustan da ya gabata.
Shugaban hukumar Dauda Biu ne ya bayyana hakan lokacin da yake jawabi ga manema labarai a Abuja, kan tilawa da kuma shirye-shiryen ayyukan kula da hadari a watannin da suka gabata.
Yace hukumar ta kuma yi rijistar babura sama da dubu 100 a cikin kundin bayanan tantance ababen hawa na kasa.
Wannan dai ya biyo bayan kaddamar da wani shiri da hukumar tayi na kama dukkan babarun da basu da rijista a fadin kasar nan, daga farkon watan Yulin da ya gabata.
