Hafsat Bello Bahara
Hukumar EFCC, ta cafke shugaban majalisar dokokin jihar Ogun, Hon. Olakunle Oluomo.
Rahotanni sun ce an kama Oluomo ne da misalin karfe 9 na safiyar yau Alhamis a filin jirgin saman Murtala Mohammed da ke Legas.
rahotanin sun kara da cewa jami’an hukumar EFCC ne suka cafke shi domin ya amsa tambayoyin da suka shafi almundahanar wasu kudade.
Kawo yanzu Hukumar ta EFCC ba ta tabbatar da kama dan majalisar ba amma ana sa ran nan ba da jimawa ba za su fitar da sanarwa.
Sai dai wata majiya a cikin Hukumar ta EFCC ta tabbatar da cewa hukumar ta gayyaci Shugaban majalisar lokuta da dama amma ya kasa amsa gayyatar.
Yanzu haka dai an kai shi ofishin EFCC na birnin Legas don ci gaba da yi masa tambayoyi.
