Mamakon ruwan sama da iska mai karfi ya rushe gidaje masu yawa da dukiya ta miliyoyin naira a garin Maiduguri dake jihar Borno.
Buhari Ya aza harsashin ginin masana’antar simintin BUA a Sakkwato
Ruwan mai karfi dai shine na farko da ya zuba a wannan damunar a garin na Maiduguri a ranar Talatar data gabata.
Rahotanni sun ce lamarin ya haddasa rushewar gidaje da faduwar bishiyu wanda hakan yasa wasu mutanen da al’amarin ya shafa rasa matsugunnan su.
Duk kokarin jin tabakin mahukuntan jihar abin yaci tura sai dai wani jami’in hukumar bada agajin gaggawa da ya nemi a sakaye sunansa ya ce tuni mahukunta suka fara tattara asarar da akayi.
