Shugaban Amurka Joe Biden ya aike da gayyata ga shugaban Najeriya Bola Tinubu domin gudanar da wata tattaunawa tsakaninsu.

Shugaban Amurka Joe Biden ya aike da gayyata ga shugaban Najeriya Bola Tinubu domin gudanar da wata tattaunawa tsakaninsu.
Cikin wata sanarwa da mai magana da yawun shugaban Najeriya, Ajuri Ngelale, ya fitar ya ce jakadan shugaban Amurka na musamman, kuma mataimakin sakataren harkokin wajen ƙasar, Ambasada Molly Phee, ne ya bayyana haka lokacin da ya ziyarci shugaba Tinubu a fadarsa.
Mista Phee ya shaidawa Tinubu cewa shugaban Amurka Joe Biden na buƙatar ganawa ta musamman da shi, a lokacin babban taron Majalisar Dinkin Duniya da za a gudanar a birnin New York cikin watan Satumba.
Jakadan na Amurka ya ce Tinubu ne kaɗai shugaban Afirka da shugaban Amurka ya karrama da gayyatar ganawa da shi.
Ya ƙara da cewa sun san akwai hanyoyin da zasu bi domin ƙarfafa zuba jarin Amurka a Najeriya, kuma suna son yin aiki kafaɗa-da-ƙafaɗa da Tinubu domin cimma hakan, a wani ɓangare na inganta tattalin arzikin Najeriya da ma na Afirka”.
Ya kara da cewa suna yabawa da irin ƙoƙarin da Tinubu keyi wajen samar da yanayi mai kyau ga masu zuba jari.