Kungiyar kwallon kafa ta Manchester United, ta sayi dan wasan kasar Argentina Lisandro Martinez daga Ajax akan kudi Fam miliyan 57.
Mai shekara 24 tuni ya amince da sanya hannu a kwantaragin shekaru biyar a Old Trafford.
Dan wasan wanda a baya a kungiyar da ya bari ta Ajax ya buga wasanni 120 tin bayan komawarsa daga Defensa y Justicia a shekarar 2019.”
“Matuka nasan nayi sa’ar komawa kungiya mai tarihi, wanda nake fatan zan bayar da gudun mawata a tawagar,’ a cewar Martinez.
Dan wasa Martinez ya buga wasa a karkashin jagorancin Ten Hag a lokacin suna Ajax, inda suka lashe gasar Eredivisie ta kasar Holland a kakar wasannin 2021 /2022.
Kuma ya zama gwarzan dan wasa kungiyar ta Ajax a kakar data gabata ta 2021-22.
Kuma dan wasan bayan Martinez ya zama cikin ‘yan wasa uku DA Manchester United ta siya, bayan Tyrell Malacia da Christian Eriksen da ya zo United a matsayin kyauta.
