Wata Babbar Kotun Tarayya ta yi watsi da buƙatar tsohon gwamnan jihar Kaduna, Nasir El-Rufai, na a yi watsi da shari’ar da ake yi masa kan zargin sa ido kan sadarwar wayar tarho.
Shari’ar ta shafi zargin sauraron tattaunawar wayar Mai Bai wa Shugaban Ƙasa Shawara kan Harkokin Tsaro, Nuhu Ribadu.
A hukuncin da ta yanke, kotun ta ƙi amincewa da buƙatar El-Rufai ta cewa babu shari’ar da zai amsa, inda ta umarce shi da ya fara gabatar da hujjojin kare kansa.
Matakin kotun na nufin za a ci gaba da sauraron shari’ar, yayin da ake sa ran tsohon gwamnan zai gabatar da kariyarsa kan zarge-zargen da ake yi masa.
Sai dai hukuncin bai nuna cewa kotun ta same shi da laifi ba, domin har yanzu shari’ar tana ci gaba.
About the Author
