Kungiyar kwallon kafa ta Manchester United na ci gaba da samun koma baya a sabuwar kakar wasannin shekarar 2022/2023 wadda aka fara a watan Agustan da muke ciki.
Inda Kungiyar ta United a wasan farko da ta buga da Brighton tayi rashin nasara da ci 2-1 a wasan da ya gudana a filin wasa na Old Trafford a ranar 7 ga Agusta.
Sai kuma a ranar 13 ga watan na Agusta a wasan mako na biyu na gasar, Brenford ta sake lallasa Manchester United da ci 4-0 da nema.
Lamarin da kawo yanzu kungiyar na matakin karshe wato ta 20 a wasanni biyu da aka buga kuma ba tada maki ko daya.
To sai dai Manchester United ta yi irin wannan rashin nasara a wasannin biyun farko a kakar shekarar 1992/1993 karkashin jagorancin tsowon Mai horar wa Sir Alex Ferguson.
Inda a wasan farko sukai rashin nasara da ci 1-2 a hannun Sheffield United.
Sai kuma wasa na biyu aka kara cinsu da ci 3-0 wanda Everton suka cisu har gida.
Amma daga bisani Manchester United a wannan shekara ta lashe gasar ta Firimiya a karon farko a tarihi, inda ta bada ta zarar maki 10 tsakaninta da Aston Villa wadda ta kammala a mataki na biyu.
Yanzu haka dai a iya cewa lokaci ne kadai ka iya tabbatar da ko United zata iya maimaita tarihin ko kuma aka sin haka? Lokaci ne dai kawai zai iya tantancewa.
Kawo yanzu dai a mako mai zuwa wato ranar 22 ga watan da muke ciki, Manchester United zata kece raini da Liverpool a wasan hamayya na mako na uku a gasar ta Firimiyar kasar Ingila.http://Manchester United
