Gwamna Abba ka kawowa titin Five-kilometer na Tudun Wada dauki- Al’umma karamar hukumar Tudun Wada

‎Aminu Abdullahi Ibrahim

Al’ummar karamar hukumar Tudun Wada sun bukaci gwamnan Kano Abba Kabir Yusuf ya karasa musu titin Five- Kilometer.

‎A cewar mutanen yankin dakatar da aikin da gwamnati tayi na barazana ga muhalli da lafiyar al’umma.

‎Wani mazaunin karamar hukumar Buhari Yusuf ya ce  a duk lokacin da ruwan damuna ya dauka sun fuskantar barazana musamman mata masu ciki.

‎”Muna rokon gwamna ya kawo mana dauki ya ceto rayuwar mata masu ciki dake fuskantar kalubale sanadiyar rashin kammala aikin titinmu”, a cewar sa.

‎Shazali Garba, ya ce sun sha yin korafi amma har yanzu gwamna bai waiwaiye su ba.

‎Ya ce rashin kammala aikin zai iya sawa su kaurece kada kuri’a.

‎Fatima Aminu ta ce matsalar titin na Five kilometer na barazana ga yara ‘yan makaranta.

‎Ta roki gwamna Abba Kabir Yusuf da ‘Yan majalisar yankin da shugabancin karamar hukumar su gaggauta karasa aikin titin.