An nada yarima Charles III sarautar sarkin Ingila.
Wannan shine karo na farko a tarihin Burtaniya cikin shekaru 70 da aka nada sabon sarki tun shekarar 1953.
Da misalin karfe 12:02 na yau asabar, Archbishop na Canterbury Justin Welby ya sanya kambin zinari na St Edward a kan Charles III wanda shine ke tabbatar da shi a matsayin Sarkin Burtaniya, kuma magaji ga sarauniyar Elizabeth data rasu a shekarar 2022.
Kambun zinaren da aka saka wa Sarki Charles III a yau domin naɗin sarautarsa a matsayin sarkin Ingila ya kai shekara 360 da ƙirƙiri kuma shine basarake na bakwai da ya saka shi a tarihin Burtaniya.