‘Yan wasan kungiyar kwallon kafa na Premier Radio 102.7 sun lashe gasar da aka sanya domin taya tashar murnar cika shekara da kafuwa.
Wasan ya gudana a ranar Lahadi, tsakanin kungiyoyin kafafen yada labarai uku da suke jihar Kano, wanda a karshe Premier Radio ta lashe gasar bayan doke Aminci da ci 2-1.
Akalla dai kungiyoyi hudu aka tsara zasu fafata a gasar, sai dai uku ne suka halarci gasar da suka hada Aminci Radio da Express da kuma Premier Radio.
Wasan dai kowacce kungiya ta buga wasa biyu, inda a karshe Premier Radio tayi nasarar lashe gasar bayan samun maki hudu a duka wasanni biyun.
Tashar Premier Radio 102.7 a wannan rana ta Lahadi 11 ga Dismabar 2022, take bikin cika shekara 1 da fara gabatar da shirye-shirye a jihar Kano.
