Wani matashi dan shekara 17 Suleiman Muhammed, ya nutse a cikin wani kududdufi dake unguwar Wailari ta karamar hukumar Kumbotso a nan jihar Kano.
Wata sanarwa da jami’in hulda da jama’a na hukumar kashe gobara ta jihar Kano, Alhaji Saminu Abdullahi ya fitar a ranar Laraba a nan Kano ya ce lamarin ya faru ne da yammacin ranar Talata.
Kakakin hukumar ya ce an fito da matashin daga cikin ruwan a sume kuma daga baya aka tabbatar da mutuwarsa.
Ya kuma baiyana cewa lamarin ya samo asali ne bayan da matashin ya je kududdufin domin yin ninkaya.
Abdullahi ya ce an mika gawar marigayin ga mai unguwar Wailari Magaji Adamu inda aka yi masa sutura.
