Hukumar kula da zirga-zirgar jiragen sama ta kasa ta dakatar da kamfanin jirgin Azman daga aiki sakamakon kin sabunta shedar lasisinsa
Hakan na zuwa ne ‘yan watanni kadan, bayan Dana Air da Aero Contractors suma aka dakatar da su sakamakon matsaloli da suka fuskanta a kan jiragen su.
A farkon wannan shekarar, yayin da daya daga cikin tarukan da hukumomin gwamnati da kamfanonin jiragen sama suka yi, hukumar kula da zirga-zirgar jiragen sama ta kasa ta bayyana cewa, kamfanonin jiragen na bin bashin Naira biliyan 42 da dala miliyan 7.8.
Musa Nuhu, Darakta Janar na Hukumar Kula da Sufurin Jiragen Sama ta Kasa (NCAA), bayan taron ya bayyana cewa, kamfanonin jiragen za su rika fitar da kudade a kowane wata, domin biyan basussukan da ake bin su, ko kuma su fuskanci matsala idan ba su sabunta takardar shaidar lasisin su ba ta Air Operators (AOC).
