Alamu na nuna samun saɓanin ra’ayi tsakanin Shugaban Amurka, Donald Trump, da mataimakinsa JD Vance, bayan gagarumar kayen da jam’iyyar Republican ta sha a zaɓen tsakiyar wa’adi.
Vance ya ɗora alhakin kayen da jam’iyyar ta sha kan yaƙin Amurka da Iran, da tsadar rayuwa da kuma yadda gwamnatin Trump ke gudanar da dangantakarta da Isra’ila.
Sai dai Trump ya kare matakin shiga yaƙin Iran, duk da amincewa cewa rikicin ya taimaka wajen janyo wa jam’iyyarsa koma baya a zaɓen.
Wannan bambancin ra’ayi ya jawo tambayoyi kan makomar haɗin kan shugabannin biyu, musamman ganin yadda ake kallon Vance a matsayin ɗaya daga cikin masu yiwuwar neman takarar shugaban ƙasar Amurka a 2028.
Sai dai har yanzu babu wata sanarwa a hukumance da ke tabbatar da ɓarkewar rikici tsakaninsu.
About the Author
