Mutum ɗaya ya mutu, yayin da wasu da dama suka jikkata bayan wata motar haya mai ɗauke da fasinjoji 21 ta kama da wuta a kan titin Oko-Olowo Expressway da ke Ilorin, babban birnin jihar Kwara.
Rahotanni sun ce motar ta kama da wuta ne yayin da take kan hanyar, lamarin da ya jefa fasinjojin cikin firgici tare da tilasta musu neman hanyar tsira daga motar.
An tabbatar da mutuwar mutum ɗaya sakamakon gobarar, yayin da wasu fasinjoji suka samu raunuka daban-daban.
Jami’an agajin gaggawa da sauran hukumomin da abin ya shafa sun isa wurin domin gudanar da aikin ceto da kuma shawo kan gobarar.
Ana ci gaba da tattara bayanai domin gano ainihin musabbabin tashin gobarar da kuma tabbatar da cikakken adadin waɗanda suka jikkata.
Hukumomin da abin ya shafa sun shawarci masu ababen hawa da su kasance masu taka-tsantsan tare da tabbatar da lafiyar motocinsu domin kauce wa irin waɗannan haɗurran.
About the Author
