Majalisar Wakilai ta Tarayya ta gayyaci Ministan Kasafi da Tsare-tsaren Tattalin Arziki, Sanata Atiku Bagudu, tare da Darakta Janar na Ofishin Kasafi na Tarayya, domin su yi bayani kan yadda aka ware fiye da naira biliyan 1 da miliyan 300 ga wata hukuma da ake zargin ba ta da sahihanci.
Matakin na majalisar ya biyo bayan amincewa da wani kudirin gaggawa da ɗan majalisa Yusuf Gagdi ya gabatar a zaman majalisar.
A cikin kudirin, Gagdi ya nuna damuwa cewa sanya kuɗi ga hukumar PFIPC a cikin kasafin kuɗi na nuna akwai gibi a tsarin tsara kasafi da kuma rashin ingantaccen bincike kafin shigar da hukumomi cikin tsarin gwamnati.
A sakamakon haka, majalisar ta amince da kafa wani kwamitin wucin gadi da zai gudanar da cikakken bincike kan yadda aka shigar da wannan hukuma cikin kasafin kuɗin shekarar 2026.
About the Author
