An bayyana masu bukata ta musamman da cewa ba sune sukayi kan su a haka ba duba da yadda wasu suke kyamatar su da kallon su a matsayin nakasasu yayin da suma suna da irin rawar da zasu iya takawa a fanoni daban daban.
Sagam Sanin Ahmad wanda shine shugaban kungiyar ROTARY ta kasa reshen jihar Kano ne  ya bayyana hakan a wajen taron bayar da lambar yabo ga wasu daga cikin ma’aikatan polio d suke bi gida-gida a kasa baki daya da aka gudanar anan Kano.
Sagam ya kuma kara da cewa wannan taron sun yi shine domin karrama wadannan mutane da suka nuna kwazo a lokacin da ke suke aikin yaki da cutar shan inna sannan haka zalika karrmawar zata zamo ta kara musu karfin gwewar gudanar da aikin su.
Shima a nasa bangaren shugaban kungiyar ta Rotary a nan kano cewa yayi wannan kungiyar tasu tana kokarin gani cewa ta bayar da gudunmuwa wajen cigaba da yaki da cutar shan inna a cikin kasar nan dama nan jihar kano dan ganin a kakkabe cutar baki daya kamar yadda aka yaki cutar kyanda baki daya.
Wakilin mu Mustapha Muhammad Kankarofi ya rawaito cewa a yayin taron dai a karrama wanda suka fi kwazo a yayin aikin digon bakin cyaki da cutar ta shan inna inda Jahohin suka hadar da jihar Kano da Katsina Kaduna da kuma jihar Barno.