Babbar Kotun jihar Kano me lamba 17 ta dage sauraron karar da aka shigar da wani kasar China Mr. Geng Quangrong wanda ake zargi da kashe budurwarsa mai suna Ummukulsum Sani Buhari, wadda aka fi sani da Ummita.
An dage shari’ar ne bayan lauyan wanda ake kara Barista Muhammad Dan’azumi ya roke a dage zaman sakamakon wanda ake kara baya fahimtar turanci, inda ya bukaci a samo tafinta.
Alkalin kotun ya amince da bukatar, tare da dage shari’ar zuwa ranar 27 ga watan Octoba.
A ranar 16 ga watan Satumba ne Mr. Geng ya hallaka budurwar sa Ummita a gidansu dake unguwar Jambulo a jihar Kano.
