Ɗan takarar shugaban ƙasa na jam’iyyar ADC, Atiku Abubakar, ya ƙaddamar da kwamitin yaƙin neman zaɓensa, a wani mataki na shirye-shiryen tunkarar zaɓen shugaban ƙasa na 2027.
Kwamitin zai kasance ƙarƙashin jagorancin Sanata Augustine Okwudiri Akobundu, tare da taimakon wasu manyan jiga-jigan jam’iyyar, ciki har da tsohon gwamnan Jihar Kaduna, Nasir El-Rufai, wanda ke tsare bisa zargin aikata laifuka.
A yayin ƙaddamar da kwamitin a ranar Juma’a a Abuja, Atiku ya bayyana waɗanda aka naɗa a matsayin ’yan kishin ƙasa da kuma ƙwararrun mutane masu gogewa a harkokin dimokuraɗiyya, ba wai ’yan siyasa kawai ba.
A wani ɓangare kuma, Atiku ya soki shirin rage farashin man fetur na tsawon wata guda da gwamnatin Shugaba Bola Ahmed Tinubu ta sanar, yana mai cewa akwai abin da ya kira yaudara a cikin shirin.
Sai dai Atiku bai gamsu da shirin ba, duk da cewa ba a bayyana ƙarin bayanan da ya dogara da su wajen yin wannan zargi a cikin bayanin ba.
About the Author
