Muhammad Bello Dabai
Jami’ar Sule Lamido dake Kafin Hausa a jihar Jigawa ta umarci malaman dake koyarwa a jami’ar da su koma bakin aiki.
Wannan matakin na zuwane bayan taron gaggawa da hukumar gudanarwar jami’ar ta gudanar karo na 30.
A sanarwar da sakataren jami’ar Malam Adamu Mohammed ya fitar, tace tuni jami’ar ta umarci shugabannin sassanta da fara daukar sunayen malaman da suka koma aiki daga jiya litinin zuwa 5 ga watan gobe.
Wannan mataki da jami’ar ta dauka baya rasa nasaba da gaza cimma matsaya tsakanin kungiyar malaman jami’o’i ta kasa ASUU da gwamnatin tarayya kan yajin aiki da aka kwashe sama da rabin shekara anayi.
To sai dai ana ganin akwai kalubale da jami’o’in na gwamnatocin jihohi zasu iya fuskanta, duba da akwai malaman jami’o’i mallakin gwamnatin tarayya masu yawa da sune suke koyarwa a jami’o’in mallakin jihohi
