Tsohon sakataren ma’aikatar harkokin wajen Najeriya, Dakta Muhammad Bello Al-Adam, ya rasu ranar Asabar a kasar Indiya bayan gajeruwar rashin lafiya.

Tsohon sakataren ma’aikatar harkokin wajen Najeriya, Dakta Muhammad Bello Al-Adam, ya rasu ranar Asabar a kasar Indiya bayan gajeruwar rashin lafiya.
Da suke sanar da rasuwarsa, iyalan marigayin sun ce za a sanar da shirye-shiryen jana’izar bayan isawar gawarsa nan gida Najeriya.
Al-Adam wanda ya ke dan asalin jihar Kano, ya yi koyarwa a Makarantar Shari’a ta Kano ta Shahuchi,gabannin fara huldar diflomasiyya a ma’aikatar harkokin waje tsakanin shekarar 1984 zuwa 1985.
Al-Adam ya kasance dan takarar gwamnan jihar Kano a karkashin rusasshiyar jam’iyyar UNCP a shekarar 1998.
Ya kuma kasance mamba a jam’iyyun APP, ANPP, CPC da kuma jam’iyyar APC mai mulki inda ya kasance memba a cikin masu ruwa da tsaki na kungiyar yakin neman zaben Tinubu da Shettima na shugaban kasa a zaben 2023.