Shahararren wasan xan danbe ajin masu nauyi na duniya Mike Tyson, ya sha kaye a hannun sabon jini.
Zakaran wasan damben da yayi shura a duniya ya sha kayen ne a karawarsu da Jake Paul dan shekara 27 a wani wasa da suka yi a Amurka a ranar Asabar.
Jake Paul wanda yayi fice a tashar dandalin sada zumunta na You Tube inda ya ke gabatar da shirye–shiryen nishadi ya koma sana’ar danbe ne a ‘yan shekarun nan a inda ya kalubalanci Mike Tyson da ya dade yana yi har ya zama zakara.
‘Yan damben sun kara ne a filin wasa na AT&T na birnin Arlington na jihar Tekzas, a inda Paul ya doke zakaran-zakaru Mike a gaban miliyoyin jama’a ‘yan kallo a filin da kuma tasoshin talbijin na duniya.
An yi wasan an kare ne a zagaye 8 a inda Paul ya samu nasara a zagaye na 6 ya kuma doke Tyson a zagaye na 8 da maki mai yawa daga alkalai.
Sai dai duk da cewa ya sha kaye a damben, Mike Tyson zai tafi gida Dala Miliyan 20, kimanin Naira biliyan talatin hudu.
