Mukhtar Yahya Usman
Kasar Saudiyya ta gindaya sharrudda ga wadanda za su gudanar da aikin hajjin bana.
Wannan na kunshe cikin wata sanarwa da ma’aikatar aikin hajji da umra ta kasar ta fitar ranar Asabar.
Sharuddan sun hadar da bin matakan kare kai daga annubar Covid-19, wadda ita ta hana gudanar da ibadar a Shekarun 2020 da 2021.
Haka kuma duk wanda ya haura shekaru 65 ba zai gudanar da aikin hajjin ba.
Sannan duk wanda zai shiga kasar sai an yi masa gwajin Corona aƙalla kwanaki biyu kafin shigarsa.
Sanarwa ta kara da cewa dole ne duk maniyyata aikin hajji bana a yi musu allurar rigakafin Covid-19 wadda kasar Saudiyya ta amince da ita.
Sai kuma bin sauran matakan kula da Lafiya kamar yadda aka saba.
Haka kuma kasar ta ce mutane Milyan daya ne za su gudanar da aikin hajjin na bana.
