Mukhtar Yahya Usman
Kamfanin zirga-zirgar jiragen sama na Qatar Airways ya fara sauka a birnin Kano a yau Laraba.
Jirgin ya sauka cikin murna da annashuwa daga hukumomin ƙasar nan da kuma kamfanin.
Jirgin Boeing 787 ya sauka a babban filin jirgi na Mallam Aminu Kano (MAKIA) da misalin ƙarfe 11:00 da ɗoriya.
Jekadan Najeriya a ƙasar Qatar, wadda ta mallaki kamfanin, Ahmadu Yakubu Abdullahi na cikin waɗanda suka halarci bikin saukar jirgin karon farko a tarihi.
Kano ce wuri na uku a kasar nan da kamfanin zai dinga sauka bayan Abuja da Legas.
A gobe Alhamis kuma zai ƙarasa birnin Fatakwal na Jihar Rivers.
