Majalisar Dokokin Jihar Jigawa ta amince da ƙudirin gyaran kundin tsarin mulkin Najeriya da zai ba da damar kafa rundunar ’yan sandan jihohi.
Majalisar ta amince da ƙudirin ne a ranar Talata, 27 ga Oktoban 2026, yayin zamanta a Dutse, babban birnin jihar.
Kakakin Majalisar, Haruna Aliyu Dangyatin, ya ce matakin zai taimaka wajen inganta tsaro, musamman a yankunan karkara, tare da bai wa jihohi damar tunkarar matsalolin tsaro yadda ya kamata.
Ya bayyana cewa majalisar ta yi nazari kan ƙudirin tare da tuntubar masu ruwa da tsaki kafin amincewa da shi.
Da wannan mataki, Jigawa ta shiga jerin jihohin da suka goyi bayan gyaran kundin tsarin mulkin, wanda zai ba da damar kafa ’yan sandan jihohi idan aka kammala sauran matakan doka.
About the Author
