Majalisar dokokin Kano ta amincewa gwamna Abba Kabir Yusuf nada karin masu bashi shawara 10.
Wannan ya biyo bayan wasikar da gwamnan ya aike gaban majlisar dokokin a Talatar nan karkashin Kakakinta Jibril Isma’il Falgore.
Bayan karanta takardar ne kuma yan majalisar suka amince da wannan bukata.
Shugaban masu rinjaye wakilin Dala, Lawan Hussini ya ce a doka dole me gwamna ya mikowa majalisa sunayen wadanda yake son madawa a matsayin masu bashi shawara.
Ya kara da cewa gwamna Abba Kabir Yusif, ya kuma nemi majalisar ta amince masa nada Farfesa Sani Lawan Malumfashi a matsayin shugaban hukumar zabe ta jihar Kano KANSEIC.
Wakilinmu, Aminu Abdullahi Ibrahim, ya ruwaito Majalisar ta bukaci Farfesa Sani Lawal Malumfashi da mutane uku da za a nada a matsayin kwamishinonin hukumar su bayyana a gabanta domin tantance su a gobe Laraba.