Tsohon mataimakin Shugaban kasa, Atiku Abubakar, ya yi kira ga shugaba Bola Ahmed Tinubu da ya ɗauki matakin magance koke-koken Nnamdi Kanu, tare da sake duba batun tsare tsohon gwamnan Kaduna, Nasir El-Rufai, da Sheikh Zaria.
Atiku ya bayyana wannan matsaya ne a cikin wani saƙonsa da ya shafi halin da dimokuraɗiyya da ke ciki a Najeriya.
Ya ce gwamnati na buƙatar sauraron koke-koken da wasu ’yan ƙasa ke gabatarwa tare da neman hanyoyin da za su kawo zaman lafiya da haɗin kai, musamman a lokacin da ƙasar ke tunkarar zaɓen 2027.
Game da Nnamdi Kanu, Atiku ya buƙaci a magance abubuwan da ke haddasa rikicin da ke kewaye da shari’arsa ta hanyar tattaunawa da bin doka, batun El-Rufai da Sheikh Zaria kuwa ya haɗa da kiraye-kirayen da aka yi na sake duba yadda ake tsare da wasu mutane da kuma tabbatar da hakkokinsu na doka.
Atiku ya kuma jaddada muhimmancin mutunta kundin tsarin mulki, ’yancin ɗan adam da kuma tabbatar da cewa hukumomin gwamnati suna aiki bisa doka, yana mai cewa hakan na da muhimmanci wajen ƙarfafa amincewar jama’a da tsarin dimokuraɗiyya.
About the Author
