Hukumar kwallon kafa ta Nahiyar Turai ta karrama Cristiano Ronaldo a matsayin wanda ya fi cin kwallo a tarihin gasar zakarun turai ta Champions League.
Shugaban hukumar ta UEFA, Aleksander Ceferin ne ya mika wa Ronaldo kyautar a lokacin rabon jadawalin gasar ta 2024-25 a birnin Monaco na Faransa.
Dan kasar Portugal, Ronaldo ya ci jimillar kwallo 140 a kungiyoyi uku da ya bugawa gasar ta Champions League da suka hada da Manchester United, Real Madrid da kuma Juventus.
Karrama Ronaldo da aka yi a cewar Ceferin ya zo ne saboda babban tarihin da ya kafa a gasar ta zakarun Turai.
