Majalisar dokokin Kano, ta tantance, tare da amincewa da nadin Manjo Janar Muhammad Inuwa Idris mairitaya a matsayin kwamishina a majalisar zartarwar jiha.
Majalisar ta amince da shi a zamanta na Larabar nan, kuma yayin tantancewar, Janar Muhammad ya amsa tambayoyi daga mambobinta kan yadda zai bayar da gudummawa wajen tabbatar da tsaro a jihar Kano idan an ba shi kula sabuwar ma’aikatar tsaron cikin gida.
Dan majalisa mai wakiltar Madobi, Sulaiman Mukhtar Ishaq, ya bukaci sabon kwamishinan ya yi kokarin magance yadda ‘yan siyasa ke amfani da bata-gari wajen lalata zaman lafiyar jama’ar jihar nan…
