Kungiyar kishin Kano ta Kano Patriotic Front ta kaddamar da dashen bishiya dubu dari biyar a fadin jihar.
Wannan wani bangare ne na magance matsalar dumamar yanayi da zaizayar kasa da majalisar dinkin duniya da suran masu ruwa da tsaki a fannin yanayi da muhalli suka jima suna kokarin dakilewa.
Da yake zantawa da Premier Radio yayin kaddamar da dashen bishiyun, shugaban kungiyar, Major Janar Ibrahim Sani mai ritaya, ya ce sarewa da kona itatuwa da ya zama ruwan dare yana matukar barazan ga lafiyar al’umma.
Ya kara da cewa kungiyarsu ta kudiri aniyar dashen bishiya dubu dari biyar a fadin jihar Kano.
Wakilinmu Shehu Usman Salihu ya rawaito cewa, taron da aka gudanar a dakin taro na Fagge Islamic Centre dake Tudun Bojuwa, ya samu halartar masu ruwa da tsaki dake aiki kan magance matsalar dumamar yanayi a jihar Kano.