Gwamnatin Jihar Kano ta sake yin kira ga Gwamnatin Tarayya da ta gaggauta sakin tallafin Naira biliyan 5 da aka yi alƙawarin bai wa ’yan Kasuwar Singa domin rage musu raɗaɗin asarar da suka yi sakamakon gobarar da ta tashi a kasuwar.
Sakataren Gwamnatin Jihar Kano, Abdullahi Baffa Bichi, ne ya bayyana hakan, inda ya ce Gwamna Abba Kabir Yusuf na ci gaba da ƙoƙarin tallafa wa waɗanda gobarar ta shafa.
A cewarsa, Gwamnatin Tarayya a ƙarƙashin jagorancin tsohon shugaban ƙasa, Muhammadu Buhari, ta yi alƙawarin bayar da wannan tallafi bayan gobarar da ta lalata dukiyoyi na miliyoyin naira a Kasuwar Singa a farkon shekarar 2023.
Sai dai, ya ce duk da wannan alƙawari, har yanzu ba a saki kuɗaɗen tallafin ba, lamarin da ya sa gwamnatin jihar ke sake roƙon Gwamnatin Tarayya da ta cika alƙawarin domin taimaka wa ’yan kasuwar da abin ya shafa.
About the Author
