Masu ruwa da tsaki na jam’iyyar PDP na Arewa sun amince da tsohon Ministan Ayyuka Na Musamman Da Harkokin Gwamnati, Kabiru Tanimu Turaki, SAN, a matsayin dan takarar da suka amince da shi ya zama shugaban jam’iyyar na kasa.
Hakan na zuwa ne gabanin babban taron jam’iyyar na kasa da za a gudanar a birnin Ibadan na jihar Oyo a shekarar 2025.
An cimma wannan matsayar ne bayan wani gagarumin taron tuntuba da masu ruwa da tsak n jam’iyyar na Arewacin kasa suka gudanar a Abuja.
A cewar majiyoyi a wurin taron, amincewar na da nufin gabatar da matsayar Arewa guda daya gabanin babban taron da aka shirya gudanarwa daga ranar 15 zuwa 16 ga watan Nuwamba, 2025.
About the Author
