Jamhuriyar Congo ta ce hamɓararren shugaban ƙasar Guinea-Bissau, Umaro Sissocco Embaló, ya isa Brazzaville babban birnin ƙasar.
Wata majiyar gwamnati ta ce ya isa Congon ne a cikin wani jirgi da aka yi shata daga Senegal.
Sojojin da suka yi wa Mista Embaló juyin mulki a ranar Juma’a sun sake shi ne bayan shiga tsakani da ƙungiyar bunƙasa tattalin arzikin ƙasashen Afirka ta Yamma Ecowas ta yi.
Ecowas da Tarayyar Afirika sun yi Allah wadai da juyin mulkin, wanda suka ce koma-baya ne ga turbar dimokuraɗiyya.
Ƙungiyoyin fararen hula sun zargi Embaló da kitsa abin da ya faru domin hana sanar da sakamakon zaɓen da aka yi a ƙasar, wanda suka ce yana tsoron shan kayi.
About the Author
