Gwamnatin Kano ta bakin Kwamishinan ilimi na Kano Dr Ali Haruna Makoda ne ta bayyana cewa zata zurfafa bincike domin ci gaba da gano yara ‘yan baiwa wato Gifted a jihar tare da basu horo ta yadda zasu yi gogayya da takwarorin su a fannin kimiyya da Fasaha a Najeriya da duniya baki daya.
Kwamishinan ilimi na Kano Dr Ali Haruna Makoda ne ya bayyana hakan, lokacin da yake sanya idanu kan jarrabawa ta musamman da aka shiryawa daliban a makarantar su dake garin Ganduje.
Kwamishinan wanda ya samu wakilcin Daraktan dubawa da tantance ayyuka na ma’aikatar ilimin Auwal Mustapha Muhammad ya ce, makarantar ta maza zalla wadda da Gwamna Abba Kabir Yusif ya samar.
Kazalika Makarantar zata fara aiki ne a watan janairu mai zuwa da manufar rainon baiwa ta musamman da Allah ya yiwa wasu daga cikin yaran Kano a fannoni daban-daban na kimiyya da fasaha.
Wakilinmu Kamal Umar Kurna ya rawaito cewar, makarantar wadda aka yiwa suna da Kano Gifted Academy, babbar sakandire ce wato senior kuma kyauta ce ga duk dalibin daya samu nasarar jarrabawar shigar ta inda zasu fara karatu daga SS1 a watan janairun 2026.
About the Author
