Gwamnan Kano ya sanya Hannu kan dokar kafa sabuwar Hukumar Jami’an Tsaro

Gwamnan Kano, Abba Kabir Yusuf, ya sanya hannu kan dokar kafa Hukumar Kula Da Cutuka Masu yaduwa da dokar kafa Hukumar Jami’an Tsaro ta jiha.

Gwamnan ya yi hakan ne a wani zama na Majalisar Zartaswa ta jihar a ranar Talata.

Haka kuma, gwamnan ya amince da gyaran dokar Hukumar Kula Da Sufuri ta jihar Kano, wanda zai inganta harkokin sufuri a jihar.

Sa hannu a dokokin ya biyo bayan amincewa da kudurorin kafa sabbin hukumomin ne da Majalisar Dokokin jihar ta yi. Ga yadda bikin sa hannun ya kasance a cikin hotuna.