Tsohon gwamnan jihar Akwa Ibom Udom Gabriel Emmanuel, ya sanya sunan shugaban majalisar dattawa na yanzu, Sanata Godswill Akpabio a filin wasan da ya gina a lokacin da ya mulki jihar a zango na biyu na mulkinsa daga 2011-2015.
An sanyawa filin wasan suna da Godswill Akpabio International Stadium, wanda a nan Najeriya Super Eagles ke buga wasannin gida.
Wanene Godswill Obot Akpabio?
An haifi Godswill Obot Akpabio a ranar 9 ga watan Disamba, 1962, a garin Ukana, Ikot Ntuen, cikin karamar hukumar Essien Udim ta jihar Akwa Ibom.
Ya fito daga gida mai tsananin biyayya ga addinin Katolika, inda ya taso cikin tarbiyya da girmama al’ada da addini.
Ilmi
Ya yi karatunsa na farko a Akwa Ibom, sannan ya wuce Jami’ar Calabar inda ya karanci doka (Law). Ya yi fice a fagen shugabanci tun daga lokacin yana dalibi, inda ya rike mukaman dalibai daban-daban.
Siyasa da Aikin Gwamnati
Bayan kammala karatu, ya fara aiki a bangaren kamfanoni masu zaman kansu kafin ya tsunduma cikin siyasa.
An nada shi kwamishina a ma’aikatun jihar Akwa Ibom, daga baya aka zabe shi gwamna a 2007.
Ya yi mulki har zuwa 2015, inda aka fi saninsa da manufofin “Uncommon Transformation” saboda ayyukan raya kasa na ababen more rayuwa, ilimi, da lafiya.
Daga nan ya zama Sanata mai wakiltar Akwa Ibom North-West, sannan aka nada shi Ministan Harkokin Yankin Neja-Delta a 2019.
A 2023 kuma, aka zabe shi a matsayin Shugaban Majalisar Dattawa (Senate President) na Najeriya.Rayuwa ta Sirri
Sanata Akpabio ya auri Ekaette Unoma Akpabio, kuma suna da yara guda shida.
An san iyalinsa da shiga harkokin agaji, musamman ta kafar Family Life Enhancement Initiative (FLEI) wacce matarsa ta kafa, domin tallafawa mata, marayu da matasa a fadin Najeriya.
Akpabio kuma ya kasance mutum mai sha’awar addini da tarbiyya, yana tsayawa kan darajar iyali.
A lokacin rayuwarsa, ya karɓi lambobin yabo da girmamawa daga kungiyoyi na cikin gida da kasashen waje, ciki har da lambar yabo daga Coci, da kuma kyaututtukan karramawa daga jami’o’i bisa rawar da ya taka wajen bunkasa ilimi da raya kasa.
Tasiri da Gadon Siyasa
A matsayin ɗan siyasa mai kwarewa, Akpabio ya zama ɗaya daga cikin manyan murya a majalisar dattawa da kuma siyasar Najeriya gaba ɗaya.
Tarihinsa na nuna jajircewa wajen sauya al’amuran jihar Akwa Ibom da tasirin da ya samu a siyasar kasa ya tabbatar da matsayin sa a jerin fitattun shugabannin Najeriya.
About the Author
