Yadda Tattaunawar Tsagaita Wuta Tsakanin Amurka Da Iran Ta Kasance

Yadda tattaunawar tsagaita wuta tsakanin Amurka da Iran ta kasance

An kammala zagaye na farko na tattaunawar tsagaita wuta ta kai tsaye tsakanin Amurka da Iran a Islamabad, babban birnin Pakistan.

Majiyoyi sun ce ɓangarorin biyu sun yi musayar bayanan da ke tabbatar da cewa suna kan fuska ɗaya kan yarjejeniyoyin da aka cimma a zagaye na farko na tattaunawar kai tsaye tsakanin gwamnatocin Washington da Tehran karon farko tun bayan juyin juya halin Musulunci na 1979.

Mataimakin shugaban Amurka JD Vance, wanda ke jagorantar tawagar Amurka, ya gana da Firaministan Pakistan Shehbaz Sharif kafin tattaunawar kai tsaye, yayin da jami’an Iran, ciki har da Kakakin Majalisar Dokoki, Mohammad Bagher Ghalibaf da Ministan Harkokin Waje Abbas Araghchi, suma suka gana da Sharif.

Amruka ta fice daga Hukumar UNESCO

Amurka ta turo Jirage marasa matuka zuwa Najeriya don tattara bayanai kan ‘Yan Ta’adda

Wannan tattaunawar na da nufin samar da yarjejeniyar zaman lafiya mai ɗorewa tsakanin Amurka da Iran bayan an cimma yarjejeniyar tsagaita wuta ta makonni biyu.

Har yanzu akwai rarrabuwar kawuna, musamman game da batun mashigin ruwa na Hormuz da kuma hare-haren da ke gudana a Lebanon, wanda Iran ta gindaya a matsayin sharadi kafin ci gaba da wasu matakan.