Majalisar dokokin Kano ta ce zata ci gaba da dafawa yunkurin gwamnati na bunkasa fannin ilimi a dukkan matakan da take dauka domin dora tsarin ilimin daidai da zamani.
Dan majalisa mai wakiltar karamar hukumar Tarauni a zauren Kabiru Dahiru Sule ne ya bayyana hakan, lokacin da yake kaddamar da gyaran ajujuwa 8 a makarantar sakandiren maza dake unguwa uku cikin gari.
A cewarsa gyaran azuzuwan 8 nada alaka da tabbatar da mafarkin gwamnatin kano da takeyi musamman a shirin ta na ayyana dokar ta baci a fannin ilimi da kuma irin lalacewar da ajujuwan suka yi.
Ya kara da cewa baya ga gayaran ajujuwan, nan gaba kadan kuma zai kara da gyara katangar da ta zagaye makarantar tare da sama mata masu gadi domin samar da cikakken tsaro.
Rahotanni sun bayyana cewar tun bayan da gwamnatin Kano ta ayyana dokar ta baci a fannin na ilimi, masu rike da madafun iko suka mayar da hankulansu wajen bada tasu gudunmawar a fannin na Ilimin domin tabbatuwar dokar.
About the Author
