ƴanbindiga da suka yi garkuwa da wani limamin cocin Anglican a kaduna sun kashe shi biyo bayan kin biyan kudin fansa.
Wannan jawabi na fitowa ne ta bakin, jagoron cocin a daidai lokacin da ƙasar nan ke fuskantar ta’azzarar sace-sacen mutane domin karɓar kuɗin fansa.
A cewar guda cikin jagororin Cocin Mr. Archbishop Henry Ndakuba, a raanar 28 ga watan Oktoba ne ƴanbindgan suka yi awon gaba da Venerable Edwin Achi, da mai ɗakinsa da kuma ƴarsa, inda suka kashe shi bayan shafe wata guda a hannunsu.
Tun da farko masu garkuwan sun buƙaci a biya naira miliyan 600 a matsayin kudin fansa kafin su sake shi, amma daga bisani suka rage zuwa naira miliyan 200.
Sai dai cocin ta ce har yanzu maiɗakinsa da ƴarsa na hannun ƴanbindigan.
Har yanzu dai rundunar ƴansadan jihar Kaduna ba ta ce uffan ba a game da wannan al’amari, duk kuwa da buƙatar hakan da aka miƙa mata.
Kisan limamin cocin na zuwa ne a daidai lokacin da satar mutane don karɓar kudin fansa da kashe-kashe suka ta’azzara a arewacin kasar nan.
Idan za’a iya tunawa koda a ranar 17 ga watan Nuwamba ƴanbindiga sunyi awon gaba da wasu ɗalibai mata 25 a jihar Kebbi, said ai sun sako su dag baya bayan haka ne kuma aka sake ɗauke sama da dalibai 300 da malamai a wata makarantar Katolika a jihar Neja, lamarin da ta tilasta rufe makarantu a faɗin jihar.
About the Author
